Имунолошката ефикасност на новата вакцина против коронавирусот создадена во Русија под називот „ЕпиВакКорона“ според резулатите од првата и втората фаза од клиничките испитувања изнесува 100 отсто, објави во вторникот рускиот регулатор Роспотребнадзор.
Во соопштението се забележува дека присустото на антитела на коронавирусот не се смета за контраиндикација за вакцинацијата, како и дека препаратот „ЕпиВакКорона“ ќе помогне да се зајакне веќе формираниот имунитет кај пациентот.
„Ефикасноста на вакцината се состои од нејзината имунолошка ефикасност и од профилактичката (превентивна) ефикасност. Според резултатите од првата/втората фаза од клиничките испотувања, имунолошката ефикасност на вакцината ‘ЕпиВакКорона’ е 100-процентна“, се наведува во соопштението на регулаторот кое го цитираат руските медиуми.
Шемата за вакцинирањето претпоставува двојно интрамускулно инјектирање на препаратот во интервал од најмалку 14 до 21 дена, во дози од 0,5 милилитри. Притоа се наведува дека вакцинирањето може да биде изведено и со една компонента од препаратот, доколку некои лице претходно било болно од Covid-19.
„Меѓутоа, примањето единечна доза од вакцината ‘ЕпиВакКорона’ нема да даде имунолошки одговор кој ќе биде оптимален според јачината и времетраењето“, се истакнува во објавата на Роспотребнадзор, во која се додава и дека за ова прашање се потребни дополнителни истражувања.
Препаратот против новиот коронавирус SARS-CoV-2, под називот „ЕпиВакКорона“ е создаден врз основа на пептидни антигени во државниот научен центар за вирологија и биотехнологија „Вектор“ во Новосибирск, на далечниот русик исток, а регулаторите го регистрираа во октомври 2020 година. Во меѓувреме завршиле двете први фази од клиничките тестирања, а во тек е третата клучна фаза. Со неа ќе бидат опфатени 40.000 волонтери, меѓу кои ќе има и лица со над 60-годишна возраст и оние кои страдаат од хронични болести.
Во цивилна употреба веќе се пуштени 45.000 дози од вакцината, а масовно производство е планирано во текот на февруари. Вакцината на „Вектор“ се разликува од „Спутник V“ која ја развива центарот „Гамалеја“ по тоа што содржи фрагменти од вирусот, синтетички пептидни антигени. Вакцината базирана на нив предизвикува имунолошки одговор против коронавирусот и натаму го поттикнува развојот на имунитетот.
Центарот „Вектор“ на 24-ти јули минатата година доби одобрување од руското министерство за здравство да започен со спроведување на клиничките испитувања на вакцината врз волонтери. Првата фаза завршо на 14-ти октомври, по што препаратот беше регистриран. По еден месец министерството за здравство одобри пострегистрациски испитувања потребни за регистрација на вакцината, на 150 волонтери со над 60 години, а во третата недела од ноември и за испитување на 3.000 волонтери.
Првата руска вакцина против коронавирусот „Спутник V“ која ја разви московскиот Национален исттражувачки центар за епидемиологија и микробиологија „Н.Ф: Гамалеја“. По третата прелиминарна анализа на податоците од третата сѐ уште не завршена фаза од испитувањата, овој препарат кој сега се користи во најмалку три земји во светот, покажа 91-процентна ефикасност. Според, нејзините автори овој показател достигнал и 100-отстотна ефикасност против тешките случаи на Covid-19.
Претходно беше објавено дека Федералниот научен центар за истражувања и развој на имунобиолопки препарати „Чумаков“ на 19-ти октомври го започнал клиничките испитувања на својот кандидат за потенцијална вакцина против новиот коронавирус.
