Нови протести во Каталонија, блокиран автопатот кон Франција

25

Демонстрантите во Каталонија денеска го блокираа автопатот што го поврзува овој шпански регион со Франција, поради што сообраќајот во двата правца е во прекин.

Демонстрантите ова го направија на повик на групата „Демократски цунами“, која ги организираше и минатомесечните масовни протести кај аеродромот во Барселона, пренесуваат шпанските медиуми.

Групата во соопштение навдува дека протестите претставуваат „повик до меѓународната заедница да ја присили шпанската држава да сфати дека единствен начин е да се седне и да се разговара“.

Најновите протести се организирани само еден ден по парламентарните избори во Шпанија, пренесуваат американските медиуми.

Доколку преземете содржина од оваа страница, во целост сте се согласиле со нејзините Услови за користење.