Нови судири меѓу демонстранти и полиција во Чиле

12

Во Чиле повторно избија судири меѓу демонстранти и полицијата, поради што се уапсени стотина луѓе и затворени се некои метро станици во главниот град Сантјаго.

Како што соопшти Министерството за внатрешни работи, демонстрантите ги запалиле барикадите на неколку главни улици, поради што некои автобуски линии времено биле затворени.

Министерот за внатрешни работи Гонзало Блумел напиша на официјалниот Твитер налог на Министерството дека полицијата уапсила 283 лица по судирите во кои демонстрантите фрлале камења и цигли кон безбедносните сили.

Блумел нагласи дека во немирите биле повредени 76 полицајци и нападнати неколку полициски станици.

Судири имало и во чилеанските градови Антофагаста, Темуко и Консепсион.

Во Чиле во октомври минатата година избија протести, кои траеја се до средината на декември поради социјалната неправда и нееднаквост.

Според официјални податоци, најмалку 31 лице загина, илјадници се повредени и десетици илјади приведени во тогашните протести.

Доколку преземете содржина од оваа страница, во целост сте се согласиле со нејзините Услови за користење.