Вакцината против Covid-19 што ја создадоа Универзитетот Оксфорд и англо-шведската фармацевтска лабораторија „AstraZeneca“ покажала 79-процентна ефикасност во превенцијата на симптоматската болест и 100-процентна ефикасност во спречувањето на тешките форми и хоспитализации во големото истражување спроведено во Соединетите држави, Чиле и Перу, соопшти компанијата во понеделникот додавајќи дека овие резултати може да го отворат патот за нејзино итно одобрување во САД.
Произведувачот на вакцината против коронавирусто објави дека вакцината е безбедна откако ја спровела големата студија во доцната фаза од испитувањето врз повеќе од 32.000 волонтери од сите возрасни групи. Новите податоци би требало да дадат веродостојноста на британската вакцина, откако резултатите од претходните одвоени истражувања во доцна фаза од испитувањата ги поттикнаа прашањата за робисноста на статистичките податоци.
Истражувањата во САД, Чиле и Перу би требало да ја поттикнат довербата корисници во вакцината по непознаниците кои се појавија во поглед на податоците за ефикасноста, дозирање и можните нуспоеви. Истовремено ќе влијаат на тоа прашање безбедносните проблеми кои ја нарушуја употребата на оваа вакцина во земјите на Европската унија по одреден број пријави против крвните згрутчувања кај лицата кои се вакцинирани со неа.
По кусото привремено суспендирање на употребата на оваа вакцина многу европски земји од крајот на минатата седмица продолжиja со националните програми на имунизација на населението со препаратот на „AstraZeneca“, откако регионалниот регулатор ЕМА извести дека тој е сигурен, а некои од европските челници се вакцинираа со него со цел нивните граѓани повторно да ја добијат довербата во оваа вакцина.
Од „AstraZeneca“ известија дека независна комисија од експерти за безбедност на вакцините ги проучиле податоците за појавите на крвните згрутчувања во рамките на американските испитувања, како и податоците за појава на церебрална венска синусна тромбоза (CVST), многу ретка појава на згрутчување на крвта во мозокото, со помош на независен невролог.
Тимот стручњаци утврдил дека „нема зголемен ризик од развој на тромбоза меѓу 21.583 учесници од истражувањата кои примиле барем една доза од вакцината. Во ова испитување не се откриени ниту случаи на CVST“.
„Резултатите се одлична вест, бидејжи укажуваат на извонредна ефикасност и се во согласност со резултатите од испитувањата кои претходно ги спроведоа ескпертите од Оксфорд“, изјави Ендрју Полард кој ја води Окфсордската група за вакцини.
Партнерите ќе ги подготват податоците кои се услов за поднесување барање за оодбрување на вакцината пред американската Агенција за храна и лекови (FDA), изјави за Radio BBC, Сара Гилберт, професорка на Универзитетот Оксфорд. Подготвувањето на податоци ќе трае неколку седмици, додава Гилберт.
Истражувањето покажало дека ефикасноста на вакцината е поголема од 60 отсто, на што се повикува и регулаторот на Европската унија за лекови во својота препорака од декември. Во рамките на истражувањето учесниците примиле две стандардни дози од вакцината „Оxford-AstraZenecа“ или плацебо во интервал од четири седмици. Околу 20 отсто од учесниците биле на 65 години или повеќе, а приближно 60 отсто боледувале од пропратни болести поврзани со зголемен ризик од развојот на потешки форми на Covid-19, како што се дијабетесот, зголемената телесна тежина или срцеви болести.
