НУК: Да се вакцинираат сите угостители, а не само привилегираните членки на коморите

15

Независната угостителска комора (НУК) бара рамноправно вакцинирање на сите угостители и угостителски работници, а не вакцинација на привилегирани членки на коморите.

Од НУК се револтирани што не биле поканети на состанокот на кој се договарала вакцинацијата на угостителите.

„Ги прашуваме јавно министерот Венко Филипче и претседателите на овие комори зошто угостителите и Независната угостителска комора, која најмногу допринесе во остварување на правата на угостителите во изминатиот период, повторно се игнорираат и деградираат“, стои во реакцијата.

Од НУК бараат Министерството за здравство во најкус рок да ги објави начините планирани за вакцинирање што се договорени на состанокот со коморите.

Доколку преземете содржина од оваа страница, во целост сте се согласиле со нејзините Услови за користење.