Обвинителство на Русија: Нема основа за екстрадиција на Јанукович

Главното обвинителство на Русија соопшти денеска дека нема основа за разговор за било каква екстрадиција на соборениот претседателна Украина, Виктор Јанукович имајќи предвид дека „актуелната власт во Украина е нелегитимна“.

„Јанукович е полноправен и легитимен претседател, а сегашната власт на Украина е незаконска, дојде по пат на вооружен пресврт. Нема никаква основа да решаваме по прашањето на екстрадиција на Јанукович,“ изјави главниот руски обвинител Јуриј Чајка кој денеска допатува во Симферопољ на Крим и додаде дека тој е легитимен и законски претседател и не извршил никакви кривични дела.

Украинското главно обвинителство на 28 февруари соопшти дека ќе покрене процедура за екстрадиција на Јанукович во Украина.

 

Доколку преземете содржина од оваа страница, во целост сте се согласиле со нејзините Услови за користење.