Од Ковид-19 починаа 17 здравствени работници, заболеа над 2.700

Над 2.700 здравствени работници во Македонија досега биле позитивни на коронавирус.

Според податоците од најновиот неделен извештај на Институтот за јавно здравје, кој се однесува за периодот од 7-13 декември, во Македонија од случаите кои се епидемиолошки истражени, регистрирани се 2.744 случаи на заболување меѓу здравствени работници.

Од нив 2.249 се водат за оздравени, а околу 500 се уште се активни случаи и се борат со вирусот.

Институтот за јавно здравје регистрира вкупно 16 смртни случаи кај здравствени работници. Последен смртен случај, за кој јавноста е запознаена а не влегува во оваа статистика, е денешниот случај со медицинската сестра Ирена Дојчиновска Милошевска од Геронтолошкиот завод „13ти Ноември“.

Доколку преземете содржина од оваа страница, во целост сте се согласиле со нејзините Услови за користење.