Педесет илјади Сиријци од почетокот на 2018 година се вратиле во својата татковина од соседен Либан, а бројот на повратници за година дена би можел да достигне 200.000, доколку Сиријците продолжат да се враќаат со ова темпо, изјави во вторникот висок либиски претставник.
Началникот на директоратот за Генерална безбедност, Абас Ибраим, рече дека неговата безбедносна агенција организирала враќање на 25.000 Сиријци во соработка со Дамаск. Уште 25.000 сириски бегалци се вратиле дома во сопствена организација.
Порачувајќи дека Либан не може да прими број на бегалци кој е ист со четвртина од либиското население, политичарите на таа земја ги повикуваат сириските бегалци да се вратат дома во моменти кога сирискиот претседател Башар ал-Асад го враќа под контрола на својата влада поголемиот дел на земјата.
