Од петок се отвораат фитнес центрите, угостителските објекти ќе може да работат и во внатрешните делови, моловите ќе работат и во недела

70

Од петок се отвораат и фитнес центрите, а угостителските објекти ќе може да работат и во внатрешноста со посебни протоколи. Ова го напиша на својот профил на „Фејсбук“ премиерот Оливер Спасовски.

Исто така, како што и претходно беше најавено, од петок се отвораат границите без никакви ограничувања.

Министерот Венко Филипче отворањето на фитнес центрите го најави уште на вчерашната прес-конференција.

Се очекуваат во следните денови да бидат објавени и протоколите по кои ќе работат фитнес центрите и вежбалниците.

„Од петок, 26 јуни 2020 година, се дозволува и работата на теретаните и вежбалните, а моловите, од истиот датум, ќе можат да работат и во неделите.

За сите овие одлуки до петок, 26 јуни 2020 година, кога започнува нивната важност, ќе бидат подготвени протоколи кои ќе бидат задолжителни за сите економски оператори и институции во чија надлежност се овие одлуки.“, напиша Спасовски.

Доколку преземете содржина од оваа страница, во целост сте се согласиле со нејзините Услови за користење.