Одобрени барањата на 5.141 работодавач за финансиска поддршка на плати

42

Управата за јавни приходи денеска ги достави првите одобрени барања за финансиска поддршка до Генералниот секретаријат на Владата.

Од УЈП информираат дека се доставени барањата на вкупно 5.141 работодавачи кои ги исполниле условите, а износот на одобрената финансиска поддршка изнесува 507.947.264 денари.

– Ова е прво известување за одобрена финансиска поддршка согласно член 5 став 4 од Уредбата со Законска сила за финансиска поддршка на работодавачите погодени од здравствено – економската криза предизвикана од корона вирусот Ковид-19, заради исплата на платите за месеците април и мај 2020 година, велат од УЈП.

Оттаму додаваат дека се обработуваат и останатите поднесени барања кои ќе бидат доставени до Генералниот секретаријат по нивната финална обработка.

Доколку преземете содржина од оваа страница, во целост сте се согласиле со нејзините Услови за користење.