Министерството за одбрана чека насоки од Кризниот штаб и од Министерството за здравство за поставување на припадници на АРМ пред болницата во Штип, кај дел од болниците почна од петокот, а за останатите болници согласно гужвите и притисокот очекува да стратува во текот на наредната недела, инфромираше во неделата во Штип, министерката за одбрана Радмила Шекеринска.
Посочи дека како армија ги поседуваат потребните капацитети, персоналот и искуството. Министерката, меѓутоа, не говореше за конкретни бројки на медицинскиот персонал.
„Ние сме подготвени во секој момент за помалку од 24 часа да се поставиме на бараните локации. Во понеделник веќе одреден број доктори и медицински сестри, коишто работеле исклучиво во полза на војската сега целосно ќе бидат отстапени на кацитетите на јавното здравство и ќе бидат распоредени во различни клиники. Веќе обезбедивме санитетски возила, коишто се на располагање на Министерството за здравство и на здравствените установи“, рече Шекеринска.
Додаде дека во петокот голема количина на брзи тестови, кои како армија ги имаат добиено по пат на донација од Министерството за одбрана на Кралството Норвешка се дадени на јавните здравствени установи.
„Ангажманот на Армијата и поддршката на нашите созјузници покажа колку е важно, кога е мака да не си сам и колку ни беше важно членството во НАТО“, додаде Шекеринска.
