Охрид: Одредени угостители манипулираат и вршат медиумски притисок

65

Општина Охрид ги отфрла сите обвинувања кои некои угостители без да се идентификуваат, јавно ги изнесоа во јавноста, како ставови на угостителите од Охрид.

„Заради обидот за манупилација со јавноста, иако граѓаните добро знаат, уште еднаш ќе потсетиме на законот кој јасно кажува дека комунална такса треба да плати секој кој поставува урбана опрема пред угостителски објекти без разлика дали е тоа приватна сопственост или е сопственост на Република Македонија“, стои во соопштението.

Имено, закупот на комуналната такса кој претходно изнесуваше 10 денари на ден сега изнесува 7,5 денари дневно по  м2, исто така намалена е висината на цената за закуп за поставување урбана опрема во сите зони линеарно за 50 денари. Па така, ако досега за прва зона се плаќаше 300 денари месечно по квадратен метар цената годинава е пониска и изнесува  250 денари.

Локалната самоуправа одржала низа состаноци со угостителите на кои се разговарало за прашања од оваа област, а угостителите изјавиле дека се задоволни од одлуките, како и дека спроведувањето на законот е директно во нивна корист.

„Денес за жал некои од нив се обидуваат да се надмудруваат со локалната самоуправа, да ги избегнуваат законските обврски во финанска смисла и преку ставовите кои анонимно ги пласираат во медиумите продолжуваат да дејствуваат во насока на избегнување на обврските кон градот, а што е на дирекна штета на општинскиот буџет, на граѓаните како и на угостителите кои чесно и одговорно работат и си ги исполнуваат обврските“. Ваквите игри кои поединци упорно ги прават на надлежните служби им се јасни и предвидливи и како и досега, така и натаму целосно ќе бидат осуетени. Вториот момент во серијата чекори со кои поединци се обидоа да ги внесат службите во општината во лавиринт беа барањата за измени на веќе поднесените елаборати во однос на површината на која се однесуваат. Локалната самоуправа и на овие барања им излезе во пресрет. По вчерашната  акција за подигање на нелегално поставената урбана опрема, кога на сите им стана јасно дека дејствијата на службите се непоколебливи, дека кај службите  не успеваат разните влијанија и притисоци и дека нема толеранција за никој и сите имаат ист и подеднаков треман, поединци се обидоа да ја манипулираат охридската јавност давајќи изјави без да се идентификуваат кои се, а се со цел преку вршење медиумски притисок да им се овозможи да работат како и досега“, се додава во соопштението.

На крајот од сооптението е потенцирано дека локалната самоуправа како и досега, така и натаму енергично непоколебливо и без некој да има посебен третман подеднакво за сите ќе го спроведува законот како во оваа сфера така и во сите останати области кои се под ингеренции на градската власт.

 

 

 

Доколку преземете содржина од оваа страница, во целост сте се согласиле со нејзините Услови за користење.