Ѓоковиќ: Емотивно тоа беше многу тежок период за мене последните 5-6 месеци

43

Српскиот тенисер Новак Ѓоковиќ по поразот во финалето на УС Опен од Русинот Даниел Медведев (4:6, 4:6, 4:6) рече дека е исцрпен на психолошки план.

-Емотивно, тоа беше многу тежок период за мене во последните 5-6 месеци. Грен слемот, Олимпијадата и домашниот турнир во Белград. Се натрупаа сите емоции што ги доживеав. Подготвувањето за овој турнир и сè со што морав да се соочам во последните неколку недели беше психолошки и емоционално тешко. Беше тешко да се справам со тоа. Мило ми е што, конечно, оваа трка заврши, изјави Ѓоковиќ за официјалната веб-страница на УС Опен.

Медведев ја освои четвртата титула во 2021 година, додека Ѓоковиќ не успеа да комплетира календарски Грен слем.

Доколку преземете содржина од оваа страница, во целост сте се согласиле со нејзините Услови за користење.