Ѓоковиќ: Моето ниво оваа недела е повисоко отколку во последните месеци

29

Новак Ѓоковиќ направи совршени подготовки за „Мастерс“ турнирот во Шангај, откако ја освои титулата во Токио без да изгуби сет. Во финалето, Ноле беше категоричен против Џон Милман и му требаше нешто повеќе од еден час за да го постигне тоа – 6-3 6-2.

По натпреварот, шампионот изјави дека е задоволен од минатата недела.

– Помина фантастична недела. Се чувствував одлично на теренот, а надвор од него Јапонците многу ме поздравуваа и ме натераа да се чувствувам како дома, изјави Србинот.

Во врска со неговиот настап, Светскиот број 1 изјави: „Не изгубив сет, играв навистина добро, одлично сервирав. Севкупното искуство беше одлично. Мислам дека моето ниво е повисоко оваа недела во споредба со последните неколку месеци. Се надевам дека ќе продолжам вака и во Шангај“.

На претстојниот Мастерс, Србинот ќе стартува против Френсис Тиафо или Денис Шаповалов.

Доколку преземете содржина од оваа страница, во целост сте се согласиле со нејзините Услови за користење.