Колумни

Омраза

Омраза

Македонија се наоѓа пред можеби најголемата одлука во својата историја. Дали може народот да влијае или оваа игра ја играат други, навистина може само да се шпекулира. Арогантни аналитичари, хејтери, вулгарни и злобни станаа мејнстрим во ова време. Кому да му веруваш? Никому? Знам како ви е, но каде тоа не’ води?

ХЕЈТАЊЕ

Разбирам борба за земјата, за наша Македонија, но не можам да се помирам и да го прифатам начинот. Знаете, најлесно е да собереме пари, платиме егзекутори и да почнат да колат по куќи се’ она што се смета за предавник. И кој ќе одреди кој е предавник? Велелепни фејзбук шупелки или твитерски перверзњаци?

Во времето кога Македонецот треба да покаже најмногу ум, итрина, стратегија, интелект, знаење, пред се’ кон блудниот брат, ние гледаме изблици на најзлобното и најдолното – зошто? Затоа што он се прогласил за бранител на националните интереси и урла НЕ ЈА ДАВАМЕ! Тоа ли го прави некој патриот? Оној што прoтестира или оној што анализира статуси по социјални мрежи? На протести, пар стотини едни те исти, жално и тажно. Зошто? Затоа што нормалните бегаат како од шарените така од хејтерите. Хејтерството стана ин, мора да кажеш дека го мразиш тој и тој оти он ја предавал Македонија и затоа ќе добиеш безброј лајкови и со тоа ти си доблесен, како и оние кои те поддржале, оти само на нив и на нивни плеќи е оставена судбината на нашата земја – Македонија?!?! Секогаш има добра причина за хејтање, ма чуј, не добра, има најдобра, сите не чинат само ти си добар, мислам по неговите статуси, де…

Хммм…Тоа ли е патот?

Ај да видиме, еден мал сума сумарум до кај ја дотеравме.

Хејтерството го започнаа шарените, хејтање по личности, меѓу кои и јас, и моето семејство ни криво ни должно кое уште се хејта кога ќе западнат во некоја интелектуална апореа – „јанкосвињадебела“ е секогаш добар модус за дневно револуционерно подсeтување дека некој е отелотворена инкарнација на правдата, ма чуј, праведник, ма какви бре – Че Гевара главом и дувамвоауспух брадом. Секако политичари и новинари по име и презиме, научници кои беа активни секако и музичари, се’ што не беше на нивни список со немерлива вулгарност се напаѓаше. Една јадна и бедна особа на која и бев венчален кум побара од мене да ги заборавиме сите контакти меѓусебни кои воопшто сме ги имале. Секако еве, јавно го повлекувам и мојот потпис пред матичар, али на предуваното мозоче и баш не му е гајле, курташак му се тоа. Нејсе … Им успеа, но последиците си доаѓаат… Он ме мрази, јас една лоша помислам немам за него, ни ронка.

Секоја акција преизведува иста и спротивна рекација, вториот њутнов закон, кој една вечер во импровизација се заплеткав во емисија па беше за потсмев на цреповите кои ни самите не умееја да го повторат. Дојдоа на власт „демократски на сила“ и власта мораше да им се оддолжи и ги стави џанакократите на видни позиции, како и партизанитер 45 што мораа, кој ти гледа дали е кадарен за тоа, важно е заслужен. Арно ама сега имаме социјални мрежи и нема стрељачки одреди, па сега начекаа опозоцијата мило за драго и се беше ок. Им дишеа во врат и за секоја ситница низ гз им го вадеа на власта, исто како и они претходно… но….

Секоја власт си заслужува критика, а на социјални мрежи најлегитимно е ташак да си играш со неа … но како се вжештуваше состојбата, позицијата на опозиционер даваше многу сила, и се’ повеќе се извештија како шарените така и патриотите да им наплатат со камата… но…

Но, хејтањето кое го наследија од претходните веќе се губи од контрола. Ај некако, ОК коралот на препукување на две страни и секоја со легитимна кауза, туку у целово хејтање почна да се внесуваат елементи на кои не им е место, научници, црква, уметници…

Хистеријата ја почувствував на два пати и тоа со ист дискурс како и шарените кога ми плукаа по фамилија, првиот беше кога реков дека не сакам мафтање со странско знаме на протест за Македонија, и второто кога одбив да хејтам било кој музичар што ќе настапи.

Никогаш Македонец, патриот, домољуб, партизан, комита, борец, не ширел хистерија против црква, прозивки по монаси, научници, уметници, музичари… Простете, јас не можам да се најдам во тоа. Па, сега на тапет, дека и јас сум предавник?!?! Ама така мора, тоа го научија од шарените, секако дека легитимна цел е оној кој е ултра популарен и кој не работи за ниедна страна и за секоја, а најмногу за онаа за која секој од своја страна се повикува – народот, а преку ваков „јанкосвињадебела“ како мене, ќе добиеш многу лајкови и доказ дека си патриот.

Па, и сите партиски лидери не им чинат, ни музичари ни свештеници, ни странци, ни марсовци, и кои чинат? Само оние кои ти стиснале лајк на стаусот? Ок, ама до каде со тоа?

Јавно по кој знае кој пат, кажувам дека одбивам да мразам, најмалку луѓе од културата. Од 1992 сум во медиуми и 10 години као музички новинар пред да влезам на ТВ, па и тогаш повеќето од половината емисии ми се за наука, уметност, музика, здравство, култура, одошто за политика. Без оглед дали направиле вистински или погрешен потег, ако твојот брат те разочарал, па и духовник, и научник и уметник, треба ли во ова време на огромни поделби хистерично да се продлабочуваат тие? Многмина се правдаат дека не е омраза туку разочараност. Дечки, има огромна разлика од разочараност и хејтање или сакате да ја видите или не. Знаете, никогаш кога ќе ме разочара некој не сум јебал матер со се цела фамилија и со клетви како на стански обред на задушница. И тоа што не го правам со вас ме прави дека помалку си ја сакам земјата?

Не е ова писание да се помириме со судбината, но вие кои сметате дека треба да ја спасите Македонија и вие кои мислите дека ја спасувате, сметате дека ако се пљукате меѓусебно ќе ви успее? Колку сме поподелени, толку полесно ќе не скршат, а потоа кога ќе ја заебете работата, нема да си признате дека е до вас, а тогаш, пак, Јанко, секако ќе ви биде виновен, оти кога земјата го повикала да хејта, он одбил?

Земја не се брани со омраза! Борците гинеле со љубов кон Македонија и со љубов имале сила да ја бранат, а не со омраза кон непријателот. Никој од големите не сака да убива и мрази, се нашле во таков историки миг.

Сега не леат куршуми? Треба?

Ганди ја ослобдои Индија без насилство, но истрпе премногу жртви неговиот народ. Ние не сакаме од дома да мрднеме ама затоа сакаме прозивки да правиме. Дали мислите дека колку повеќе се поделуваме, на проруски и промарикански, некои кои се некои опротив договорот дека тоа ќе донесе решение или земјата ќе иде во бестрага. Јас мислам дека повеќе ќе страдаме од омразата меѓу нас одошто од било што друго. Веќе изгледа невозможно дека Македонците ќе се помират, секој се подлабоко во својот ров и никој не сака да го слушне другиот, луѓето не сакат вистина, луѓето сакаат да се во право – ништо друго.

Едните со венецот на демократија, другите со патриотизмот и би било убаво и добро за земјатра да има борци за демократија и патриоти, но закрвавуањето е се поголемо и подлабоко, никој никому не верува и секој секого го чека да му ја расплаче мамата.

Јас само обезервирам колку се напнати и едните и другите и ништо никој не постигнува. Буцкалата ќе профитираати затоа буцкаат, за да профитираат, не заради демократија или патриотизам, туку за лична и матерјална борба, а вие се палите на евтини статуси. Сори, ептен сори.

Одбивам да мразам, било кого, затоа што ќе се водам само од постулатите на Живиот Бог Христос, Кој Вели: Сакај го ближниот свој, сакај го непријателот, не мрази .. И не нека не ми мрсат со евтини фори од стариот завет кој Христос го поништи и ни го остави заветот на љубовте. Ќе се познаваме како браќа или како членови на партии? Ако овие постулати не се точни, викнете си го Мирко, ставете го претседател, запалете ги црвките направете ноеатеситичко тоталитарно општество и престанете да глумите и едните и другите, немате почит кон никого и ништо и преку тасета ви е за демократија и слобода, токму она за што се залагале нашите предци. Од такви земјата нема да оди напред, попрво гледам спас ако закрвените се сослушаат, се обидат со грам разум и срце да го разберат другиот, но јас овде тресам тинјеџерска патос демагогија на говор како за мис на светот… Не ја правдајте разочараноста и љубовта кон татковината со омразата, и вие кои сте на власт докурца од демагогијата на празните ваши муабети за небањати и недоветени глупави сендвичи, више ни вашите не ви веруваат на блуењата. Станувате се’ послични и едните и другите, кванти – исти само со спротивен набој – толку, суштински исти

И кој?

Се додека вие, народ не си изберете подобри, заглавени сте со овие. Додека не си одберете подоби и попаметни јас би сакал на иста маса да ги видам двете струи да се обидат да најдат заеднички именител, бидеејќи ни бојкотирање ниту поддршка, џабе ќе биде се додека се тераме у ПМ по секоја ситница и без почит еден кон друг.

Јеботе, ја стварно напишав говор за избор за мис глупача, на векот.

Ма да, во право сте, само глуп човек може да не мрази, да толерира, да има разбирање … и знам само еден таков кој ни даде најдобар пример, ама и него го поплукавме, и му заковавме клинци на рацете.

Автор: Јанко Илковски

Топ вести

собранието денеска одлучува за Собранието на Република Македонија денеска ќе ја одржи 61. седница на која на дневен ред e Предлогот за пристапување кон измена на Уставот на Република Македонија со насоки за негово изменување и дополнување поднесен од Владата. На матичната собраниска Комисија за уставни прашања во петокот по дводневна расправа, беа донесени заклучоци за пристапување кон уставни измени и Владата во рок од 15 дена да изготви нацрт-аманадмани и да ги достави до Парламентот. Поддршка за пристапување кон измените на Уставот дадоа пратеници на владејачкото мнозинство, додека пратениците од ВМРО-ДПМНЕ гласаа против. За да биде усвоена потребата од пристапување кон уставни измени треба да биде изгласана од две третини од вкупниот број пратеници во Парламентот. Во предлогот за измени на Уставот, кој Владата го утврди и соопшти во понеделникот, се предлага: Во целиот текст на Уставот пред Република Македонија се додава придавката северна; Измени во Преамбулата на Уставот со именување конкретни документи на АСНОМ заради усогласување со Договорот со Грција; Поцврста гаранција за трајноста на границите и дека Република Македонија нема територијални претензии и грижа за Македонците и дијаспората во странство што ќе значи дека Републиката ќе се грижи за културните, економските и социјалните права на нејзините припадници во странство без да се меша во суверените права на други држави и во нивните внатрешни работи. Од тоа дали ќе бидат обезбедени две третини за поддршка за измени на Уставот, ќе зависи и дали претстојат нови предвремени парламентарни избори, кои би се организирале со скратени рокови. Од ВМРО-ДПМНЕ порачаа дека уставните измени се апсолвирани и оти нивните пратеници нема да ги гласаат. Најавија дека се подготвуваат за избори. На состанокот на ИК на партијата викендов се разговарало за вонредните парламентарни избори и за термините за нивното одржување: 25 ноември, 2 декември, 9 декември или на пролет со акцент на подготовка на партиската инфраструктура, која е почната и подготовка на програмата со која ВМРО-ДПМНЕ ќе настапи на вонредните парламентарни избори. Премиерот Зоран Заев пак, остава простор и очекува денеска секој пратеник во Парламентот да се соочи со одговорноста и да се изјасни по своја сопствена волја, следејќи го правецот за развој на државата што, според него, го избраа огромното мнозинство од граѓаните кои излегоа и гласаа на референдумот. Имплемнтација на Договорот со Грција и усвојување на уставните амандмани очекува и меѓународниот фактор. Потпретседателот на Соединетите Американски Држави, Мајкл Пенс викендов испрати писмо до претседателот на Владата Зоран Заев во кое му изразува уверување за неговата континуирана поддршка во овој важен момент за земјата и за спроведувањето на историскиот договор од Преспа со Република Грција. Во своето писмо Пенс нагласува дека 90 отсто од оние што гласаа на референдумот го одобрија договорот од Преспа и со тоа ја потврдија огромната посветеност за европската иднина на Република Македонија. – Соединетите Американски Држави ја споделуваат вашата посветеност за поголема сигурност и стабилност на регионот. Бидете уверени во мојата континуирана поддршка во овој важен момент за вашата земја, пишува потпретседателот на САД во своето писмо до премиерот Заев со кого минатиот месец имаа средба во Вашингтон. Високата претставничка за безбедносна и надворешна политика на ЕУ Федерика Могерини вчера во интервју за МИА порача дека Преспанскиот договор е уникатна прилика за помирување и затворање на дводеценискиот спор помеѓу Скопје и Атина и дека оваа прилика може да не се повтори веќе. – Ги разбирам чувствителностите и комплексната историска позадина на спорот, како и изразените загрижености. Спорот не постоеше толку долго без причина, меѓутоа, како што видовме во минатото, колку повеќе времето минува, толку е потешко да се изнајдат решенија. Преговарачкиот процес мора да бил болен и резултатот е компромис. Но, е компромис со кој успешно се исполнуваат клучните интереси на двете страни. Нашата позиција е јасна: ЕУ целосно го поддржува постигнатиот договор. Ова е уникатна можност за помирување на Западниот Балкан која можеби нема да се повтори. Се надевам дека сите страни ќе ги зграпчат моментот и дека ќе обезбедат иднина во ЕУ за земјата, иднина која цела нација се надева со години да стане реалност. МИА СОБРАНИЕПРАТЕНИЦИУСТАВНИ ИЗМЕНИ Спонзорирано видео

Уставните промени според договорот со Грција пред пратениците