Британските издвојувања за одбрана ќе достигна 2,5 отсто од бруто домашниот производ (БДП) до крајот на оваа деценија, изјави во четвртокот премиерот Борис Џонсон ветувајќи јакнење на буџетот за одбраната по почетокот на руско-украинската војна.
„Земјата… сфаќаат дека мора да трошат повеќе. Во нашиот случај, тоа значи да се исполни и да бидеме подготвени да ја надминеме целта коишто ги поставивме пред десет години. Логичен заклучок е дека вложувањата кои предлагаме да се преземат… е дека до крајот на деценијата ќе достигнат 2,5 отсто од БДП-та“, изјави Џонсон на прес-конференцијата на самитот на НАТО во Мадрид.
Британските издвојувања за одбрана би требало годинава да достигна 2,3 отсто од БДП-то поради зголемената воена поддршка на Украина, објави во вторникот владата во Лондон.
Претходно седмицава министерот за одбрана Бен Валас рече дека Велика Британија мора да ги зголеми вложувањата во одбраната за да се фати во костец со заканите „не само од Русија, туку и од Кина и другите земји“. Рече дека таквите вложувања мора да се зголемат од 2024 година, кога ќе треба да се разгледува моменталниот пакет за воените издвојувања.
