Општина Кисела Вода донираше нови 350 пакети за социјално загрозените лица

Нови 350 пакети со хуманитарна помош за социјално загрозените лица додели денеска Општина Кисела Вода преку соработката со бизнис заедницата.

– Од страна на компанијата „Витаминка“, како и на Здружението за хуманитарни цели „Сите заедно можеме“, беа обезбедени пакети со храна, пијалаци и средства за хигиена кои на најзагрозените жители на Општината треба да им се најдат во овие тешки моменти кога целата држава се бори со последиците од ширењето на коронавирусот – соопшти Општина Кисела Вода.

Оттаму велат дека и понатаму ќе продолжат со соработката со општествено одговорните компании и здруженија, се со цел кризата што побрзо да се надмине, а последиците да бидат што помали.

– Досега, во повеќе наврати беше делена помош на ранливите категории граѓани од Кисела Вода. Воедно, потсетуваме дека во насока на правилно спроведување на мерките и препораките за заштита, превенција и спречување на ширење на вирусот ковид-19, Општина Кисела Вода заедно со Црвениот Крст-Кисела Вода, обезбеди мобилни тимови кои им помагаат на овие жители за време на полицискиот час – се вели во соопштението.

Доколку преземете содржина од оваа страница, во целост сте се согласиле со нејзините Услови за користење.