Ѓорчев и Муцунски се сретнаа со европратеничката Валсман

40

Членот на извршниот комитет Влатко Ѓорчев и меѓународниот секретар Тимчо Муцунски на ВМРО-ДПМНЕ остварија работна средба со европратеничката Марион Валсман од германската партија ЦДУ. Валсман е потпретседател на Комисијата за правни работи на Европскиот парламент и член на делегацијата на ЕП за Македонија.

„На средбата се дискутираше за актуелната политичка состојба во нашата земја. Ѓорчев и Муцунски нагласија дека систематската непочит кон владеењето на правото создава неодржлива состојба со негативни импликации за иднината на нашата земја. Соговорниците се согласија дека се потребни понатамошни реформи кои ќе бидат опипливи во правосудниот систем. Ѓорчев и Муцунски потенцираа дека распространетата корупција мора да биде сузбиена преку градење на силни институции кои ќе и помогнат на Македонија на нејзиниот пат кон членство во Европската унија“, се вели во известувањето од ВМРО-ДПМНЕ.

Соговорниците дискутирале и за парламентарните избори на 12 април, притоа се согласиле дека политичките договори кои се постигнати со консензус мора да се почитуваат.

 

Доколку преземете содржина од оваа страница, во целост сте се согласиле со нејзините Услови за користење.