Османи демантира дека Бесмира Ејупи се испраќа во конзулатот во САД

Министерот за надворешни работи, Бујар Османи во Тема на денот во Дневникот на Сител демантираше дека има одлука за испраќање на Бесмира Ејупи во македонскиот конзулат во Њу Џерси, САД.

-Шпекулации се информациите. Уште вчера портпаролите демантираа. Ние имаме конзул во Њу Џерси, Јордан Панов и тој има мандат до 2023 година. Не можам да кажам зошто тие нецелосно информации излегоа од затворената седница на Владата, затоа што изнесување информации од таква седница е казниво со закон, рече Османи.

Според него, сите имиња за конзули и дипломати, додека не се добие потврда од земјата каде што се испраќаат, се доверливи и не можат да се објават.

-Нема таков предлог од Владата или МНР за повлекување на актуелниот конзул и именување на нов. Во службен весник не излезе таква одлука, значи нема никаков предлог, потенцира Османи.

Доколку преземете содржина од оваа страница, во целост сте се согласиле со нејзините Услови за користење.