Османи: Нов договор со Бугарија не ни треба, има начини како да ја вратиме довербата во овој договор

35

„Нов договор со Бугарија не ни треба. Има начини како да ја вратиме довербата во овој договор, и тоа е начинот за наоѓање на решение за спорот“, рече министерот за надворешни работи Бујар Османи на денешната прес-конференција.

Османи рече дека Бугарија не го спори правото на јазикот и на идентетото, туку има отворени прашања околу историјата.

„Право на суверените држави е право да кажат на кој јазик зборуваат и да се определат за идентитетот. Тоа право Бугарија не го спори. Има различни ставови околу историски прашања“, рече Османи.

Османи рече дека се очекува да се најде решение, а како пример ја посочи француската пречка.

„Франција не рече преговорите да не продолжат. Напротив, тогаш преговорите продолжија и мислам дека треба да го следиме тој пристап и сега“, изјави Османи.

Османи рече дека ако добиеме вето во декември, тогаш нема план „Б“ туку ќе мора да се продолжи по истиот пат.

Доколку преземете содржина од оваа страница, во целост сте се согласиле со нејзините Услови за користење.