Откако ќе се сретне со Папата, Путин ќе го посети Берлускони

Рускиот претседател Владимир Путин, планира да се сретне со поранешниот премиер на Италија Силвио Берлускони на 10-ти јуни за време на неговата посета во Италија, изјави портпаролот на претседателот во Кремлин Јури Ушаков на прес-конференција, пренесе ТАСС.

– Во моментов се разговара за можноста Путин да го посети Берлускони. Не се исклучува можноста оваа средба да се случи во Рим, изјави тој и додаде дека сеуште не се знае точниот распоред за посетата во Италија, но дека најверојатно средбата со Берлускони ќе се случи во попладневните часови.

Инаку, Путин и Берлускони имаа воспоставено активен дијалог во времето додека италијанскиот политичар беше на чело на тамошната влада. По повлекувањето на Берлускони од политичката сцена тие останаа пријатели.

Доколку преземете содржина од оваа страница, во целост сте се согласиле со нејзините Услови за користење.