Отпишување на долговите на Грција не доаѓа предвид

Германската канцеларка Ангела Меркел за време на нејзината денешна посета на Сараево повтори дека кратење на долгот на Атина кон доверителите не е опција за излез на Грција од кризата.

Како што јави дописникот на МИА од Берлин, Меркел објасни дека во 2012 година еврозоната се соочила со прашањето на одржливост на грчкиот долг, поради што морала да преземе низа чекори како одлагање на роковите за исплата на кредитите, со што еврогрупата стекнала искуство потребно за решавање на кризата.

– Реков дека класично отпишување на долговите не доаѓа предвид. Тој мој став не е променет од вчера до денес, изјави Меркел објаснувајќи ги разликите во ставите меѓу неа и Меѓународниот монетарен фонд (ММФ), од каде стигнаа заложби за значително простување на долгот на Грција.

Доколку преземете содржина од оваа страница, во целост сте се согласиле со нејзините Услови за користење.