Пацоли: Лажат оние кои велат дека нема да ги укинат таксите

Претседателот на Алијансата за ново Косово (АКР) Беџет Пацоли узрази уверување дека новата влада во Приштина ќе ги укине таксите од 100 отсто на производите од Србија и БиХ.

– Лажат оние лидери кои велат дека нема да ги укинат таксите. Не е добро да се залажуваат гласачите, изјави синоќа Пацоли за државната косовска телевизија.

Тој истакна дека таксите на почетокот биле „оправдан чекор“, но некои витални проблеми за Приштина морале да се решат во текот на процесот.

Поранешниот косовски министер за надворешни работи оцени дека новата влада ќе отвори пат за дијалог, додавајќи дека треба да се постигне конечен договор со Србија.

– Косово денес го гледаат како земја која го блокира дијалогот, како земја која не слуша и не работи со своите пријатели. Велат дека порано сме имале поддршка, но сега се соочуваме со недостаток на таа поддршка. Се надеваме дека таа поддршка повторно ќе ја имаме, нагласи Пацоли.

Доколку преземете содржина од оваа страница, во целост сте се согласиле со нејзините Услови за користење.