инистерството за здравство постигна договор со приватните специјализанти. За време на нивната специјализација ќе им биде платено здравственото осигурување и дежурствата. Износот за дежурствата ќе се движи од 1.800 до 3.600 денари зависно од тоа дали дежураат во нормален работен ден, за викенд или празници.
Од Здружението на лекари специјализанти се надеваат дека овој процес ќе биде заокружен со вработување на младите лекари.
Почнувајќи од јуни, а со исплата во јули, приватните специјализанти ќе добијат надомест за здравствено осигурување, откако претходно ќе пополнат изјава во ФЗО – дека немаат други приходи освен надоместокот кој го добиваат од државата. Дополнително, приватните специјализанти како учесници во борбата против Ковид-19, ќе добијат и бонус од 5%, извести ресорниот министер.
