Песков: Русија засега не размислува за воведување на пасоши за вакцинација

12

Сега е прерано да се зборува за потребата од воведување на единствени пасоши за вакцинација, изјави портпаролот на Кремљ, Дмитриј Песков. Според него, засега ова е „внатрешно прашање за ЕУ”, а во самата Европа нијансите на оваа иницијатива се едвај разработени и тешко разбирливи.

– Во случај овој проект да биде финализиран и да бидат воведени некои документи, а движењето да е поврзано со овие документи, секако, тоа ќе биде предмет на нашите идни контакти со Европејците и длабинска анализа, нагласи Песков. Тој, исто така, истакна дека станува збор за „многу важна тема”.

– Нема меѓународни договори и такви тешко дека се можни, рече Песков.

Како и да е, уверува тој, Москва „внимателно ќе следи на кој начин тие (пасошите за вакцинација на ЕУ) ќе нè засегаат нас”.

Доколку преземете содржина од оваа страница, во целост сте се согласиле со нејзините Услови за користење.