Пет земји склучија пакт за итно одобрување на модификувани вакцини

Модификуваните вакцини кои треба да пружат заштита од новопојавените соеви на коронавирусот ќе бидат одобрени по итна постапка, објавија во четвртокот регулаторните тела на пет држави кои се здружија во конзорциумот ACCESS.

Конзорциумот ги вклучува британската Регулаторна агенција за лекови и здравствените производи (MHRA), како и соодветните регулаторни тела на Австралија, Канада, Сингапур и Швајцирија.

Договорот меѓу петте земји ќе овозможи да се избегнат долгите клинички испитувања за одобрување на вакцините кои во иднината ќе се прилагодуваат за новите соеви на коронавирусот, сѐ додека произведувачите ќе можат да приложат „цврсти докази“ за ефикасноста и безбедноста, се наведува во документот.

„Нашиот приоритет е да ѝ се понудат на јавноста ефикасни вакцини во што покус период, со услов тие да останат безбедни“, изјави Кристијан Шнејдер, шеф на истражувањето во MHRA.

Истакна дека јавноста не треба да биде загрижена, бидејќи ниедна вакцина нема да биде одобрена доколку не биде доволно безбедна за примена, ефикасна и квалитетна.

Здравствените експерти се загрижени се дека новите варијанти на коронавирусот, вклучително и бразилскиот сој, се поотпорни на сега постојните вакцини, што ги загрозува плановите на многу земји во процесите на укинување на строгите рестриктивни мерки.

Доколку преземете содржина од оваа страница, во целост сте се согласиле со нејзините Услови за користење.