Само пет знаци одредуваат дали и колку е силна вашата врска. Вљубеноста е почетен стадиум и воедно е и најубав период во врската. Меѓутоа она што следи потоа е мошне важно за вашиот однос. Ако скате да бидете сигурни дека вашата врска е вистинска, читајте меѓу редови и откријте ги знаците што говорат дека вашата врска е цврста како „карпа“.
Допири
Малите, спонтани знаци на внимание, како и константните допири, заедничкото гледање филмови, дружењето, излежувањето и спиењето заедно доста говорат за вашите и неговите чувства. Тоа се знаци што откриваат дека максимално уживате во партнерот и дека не сакате да го пуштите од раце.
Бакнежи
Слично како милувањето, бакнежите се доста интимен и длабок начин некому да му покажете колку ви значи. Ако бакнежите се ваша секојдневна рутина, тоа може многу да открие за вашата врска. Истражувањата покажале дека двојките што често се бакнуваат имаат доста поквалитетен однос од оние што забораваат на тоа. Бакнувајте се секогаш кога ќе имате потреба за тоа!
Секс
Иако сексот не мора да биде знак за квалитетна врска, вашите емоции се сигурни знаци. Тука секако спаѓа и страста. Сексот ги зближува партнерите, ги прави поопуштени и посреќни. Голем број истражувања потврдиле дека редовниот сексуален однос влијае на квалитетот на врската, но и на бракот.Немојте да го занемарувате овој дел од врската и уживајте во страсните мигови, секгаш кога имате можност.
Дружење
Ако под совршено помината вечер подрзабирате и гледање филм со партнерот, тогаш треба да знаете дека вашата врска е на добар пат. Кога партнерите уживаат во заедничкото дружење, водат занимливи разговори и разговараат за сите теми и не им е потребен никој за да ги забавува, тогаш сигурно имаат цврста и длабока врска. Менталната и физичка поврзаност се еден од најважните знаци за добар однос.
Интуиција
Она чувство кога знаете дека тоа е она вистинското… Истражувањето покажало дека интуицијата е мошне важен показател за квалитетна врска. Ако некогаш погледнете во иднината и во неа го гледате вашиот партнер и ги замислувате среќните мигови што ќе ги поминете заедно, немојте да ја занемарувате вашата интуиција. Таа е тука со причина.
