Пијан пробиштипјанец со секира „израмнувал сметки“ со сограѓанин

277

Вербална расправија меѓу двајцата пробиштипјани заврши со секира и сериозни закани.

Според информациите на Министерството за внатрешни работи, по расправија меѓу 48-годишниот Ј.Е. и 52-годишниот А.Д., првиот со секира скршил стакло на влезната врата од станот на А.Д., по што почнал да му упатува сериозни закани.

Ј.Е. бил приведен во полициската станица во Пробиштип, каде што бил алкотестиран, по што било утврдено дека има 3,01 промили алкохол во крвта.

Полицијата против него ќе поднесе соодветна кривична пријава.

 

 

Доколку преземете содржина од оваа страница, во целост сте се согласиле со нејзините Услови за користење.