По критиките, Заев и Филипче го прекинаа одморот

По критиките во јавноста дека министрите одмораат додека Македонија е во пламен, премиерот Зоран Заев го прекина одморот и отиде во Пехчево. Потврда за ова се  фотографиите кој Заев предмалку ги објави на Фејсбук.

Со него е министерот за здравство Венко Филипче, кој исто така беше на одмор.

Шумите лесно се палат, а тешко се гасат – порачувам да внимаваме сите, да ја ставиме безбедноста на прво место и да ги спречиме сите ризици кои може да предизвикаат пожар, објави премиерот Зоран Заев на својот профил на Фејсбук.

„Беровско Будинарци е уште едно од македонските населени места кои се исправија пред огнот и заедно со пожарникарите, со своите мештани и со солидарната помош се борат за безбедност и за спас на околината“, вели Заев.

Тој во објавата потенцира дека во овие денови на регионална солидарност, уште еднаш упатуваме огромна благодарност за помошта која е веќе на теренот, а пристигна од Србија, од Словенија и од Австрија, како и за двата авиони кои пристигнуваат од Романија.

„Ситуацијата ја следиме постојано и будно, во постојана ангажираност и координација се сите капацитети на државата и заедно со граѓаните и со пријателската помош заедно ќе се справиме со оваа опасност,“ додава Заев во објавата на својот фејсбук-профил.

Доколку преземете содржина од оваа страница, во целост сте се согласиле со нејзините Услови за користење.