По празниците порасна бројот на новозаразени од ковид-19 во Шпанија

20

Шпанците премногу се опуштија за време на празниците, дружејќи се роднините и пријателите, па коронавирусот повторно се прошири низ земјата, соопшти синоќа шпанското Министерство за здравство.

Бројот на позитивни случаи на ковид-19 во последните две недели се зголеми од 350 на 435 лица на 100.000 жители, а приемот во одделот за интензивна нега, каде пациентите се приклучени на респиратори, се зголемил од 24 на 26.

– Веројатно се забавувале повеќе отколку што е потребно. Сега мораме да го прифатиме она што следува – изјави шефот на здравствената служба Фернандо Симон.

Во текот на божиќните и новогодишните празници околу 47 милиони жители можеа слободно да ги посетуваат своите роднини низ Шпанија.

Доколку преземете содржина од оваа страница, во целост сте се согласиле со нејзините Услови за користење.