Почина актерката Чарлби Дин (32 г.)

Добитничката на „Златна палма“ годинава, јужноафриканската манекенка и глумица Чарлби Дин почина во Њујорк на 32-годишна возраст по кусо боледување.

Родена и израсната во Кејптаун како Чарлби Дин Криек, таа потпишала договор со агенција за манекенки на 12-годишна возраст. А, своето актерско деби го имаше во јужноафриканскиот филм „Сечило“ (Spud) во 2010 година. Се појави и во серијата „Црно светло“, како и во филмовите „Трка на смртта 3: Инферно“, „Крв во водата“, „Не заспивај“ и „Портхол“.

Дин е ѕвезда на претстојниот филм „Триаголник на тагата“ (Triangle of Sadness), што ја освои престижната „Златна палма“ на Филмскиот фестивал во Кан во мај. Во него глумат и Вуди Харелсон и Харис Дикинсон, а треба да се појави во кината ширум светот на 7 октомври.

Таа беше свршена со јужноафриканскиот модел Лук Волкер. По наградата во Кан, Волкер во објава на Инстаграм напиша дека „не може да биде погорд“ на неа.

Доколку преземете содржина од оваа страница, во целост сте се согласиле со нејзините Услови за користење.