Д-р Драган Тасевски, доктор специјалист вработен на Хируршкото одделение во Општата болница Куманово, почина од коронавирус. Докторот добил позитивен тест пред десет дена, а откако состојбата му се влошила бил лекуван на Инфективната клиника во Скопје.
Од Центарот за јавно здравје во Куманово потврдуваат дека на 9 октомври е потврден случај на ковид-19 на здравствен работник. Директорката од Општата болница Куманово Снежата Захариева, вели дека сите се` уште се во шок од сознанието оти нивниот колега ја изгуби битката со коронавирусот.
Од ковид-19 во јули месец во ГОБ ,,8 Септември” на 64 годишна возраст, почина д-р Арификмет Деари, уролог од Тетово. Тој беше првиот доктор во Македонија што ја загуби битката со болеста.
Неодамна почина и Дијана Димоска, медицинска сестра од Опшатата болница во Охрид. Почина на 49 години, како резултат на компликации од ковид-19.
Петар Мојсоски од Подгорци, Струга е првиот здравствен работник кој почина од ковид-19. Тој по професија беше фармацевтски работник. Мојсоски се заразил извршувајќи ги своите професионални должности, на своето работно место, во аптека. Тој починал на скопската Инфективна клиника на 27 мај.
