Почина мигрант во кумановската болница кој бил прободен со остар предмет

Во кумановската болница утрово почина мигрант откако претходно бил повреден со остар предмет.

Како што информираат од Министерство за внатрешни работи, лицето утрово било пронајдено во атарот на кумновското село Речица со повреди од остар предмет.

Лицето било пренесено во Општа болница Куманово, каде во 07:45 часот починало.

– Полициски службеници на СВР Куманово извршиле увид и по преземените мерки и извршени разговори било констатирано дека настанала физичка пресметка помеѓу повеќе лица мигранти, при што починатиот мигрант бил прободен со остар предмет. Се преземаат мерки за расчистување на случајот, соопштуваат од МВР.

Доколку преземете содржина од оваа страница, во целост сте се согласиле со нејзините Услови за користење.