Почнаа третите парламентарните избори во Израел за помалку од една година

epa08262601 A person presents a demonstration on the special polling station prepared by Central Elections Committee and the Magen David Adom (MDA), Israel's national emergency medical, for Israeli voters in home quarantine because of coronavirus, in Tel Aviv, Israel, 01 March 2020. Israeli legislative elections will be held on 02 March for the third time in one year. EPA-EFE/ATEF SAFADI

Утринава во Израел почнаа третите парламентарни избори за помалку од една година на кои се одлучува дали премиерот Бенјамин Нетанјаху ќе остане на власт и покрај претстојното судење заради обвинувањата за корупција.

Израелскиот премиер, кој на оваа функција е во последните 13 години, на чело на преодната влада се наоѓа подолго од една година.

По двете рунди избори, во април и септември, немаше јасен победник и владата не беше формирана, па беа распишани трети избори, што досега се нема случено во историјата на Израел.

Испитувањата  на јавното мнение покажуваат дека политичкиот застој можеда продолжи и покрај денешното гласање.

Нетанјаху тежнее по петти пат да стане премиер, од што четврти пат по ред.

Неговиот главен ривал, како и на изборите во 2019 година,е поранешниот началник на израелскиот Генералштаб Бени Ганц.

Сојузот на партии од центарот „Сино и бело“, на Ганц, е во тесна трка со партијата Ликуд на Нетанјаху.

Ганц во својата предизборна кампања истакнуваше дека Нетанајху не е способен да владее соочен со сериозни обвинувања.

Имајќи предвид дека ни Нетанјаху, ни Ганц, не можат да формираат коалиција со своите традиционални сојузници, а бидејќу нема никакви шанси за формирање влада на национално единство, денешното гласање може да биде само вовед во уште едни избори.

Во деновите пред изборите немаше многу постери по улиците и на јавните собирања, што инаку е карактеристика на изралските изборни кампањи.

Забележливо е дека гласачите се изморени и може да се покаже дека излезноста ќе биде одлучувачка.

Доколку преземете содржина од оваа страница, во целост сте се согласиле со нејзините Услови за користење.