Двајца полицајци починаа откако утрово беше пукано на полициска патрола во Сараево. Едниот полицаец почина на самото место на инцидентот, а вториот по повеќечасовна борба за живот им подлегна на повредите.
Сараевските медиуми наведоа наведоа дека „автомобилската мафија“ стрелала со автоматско оружје, веројатно „калашников“ кон полициската патрола која ги затекнала при кражба на „голф 6“ со хрватски регистарски таблички.
Премиерот на Кантонот Сараево, Адем Зољ, на прес-конференција оцени дека станува збо за „гнасен чин и удар на државата“, пренесува N1.
„Ова е гнасен чин, затоа што полицајците утрово не излегле ни од автомобилот, ниту употребиле оружје, ниту биле предупредени, туку извршителите веднаш, додека автомобилот бил во движење, почнале да пукаат кон припадниците на полицијата/ Ќе сториме се за да ги приведеме извршителите и да се преземат активности за ова да не се повтори. Ова е удар на државата“, заклучи Зољ.
Електорнското издание на дневниот весник Dnevni avaz објкави дека преку целиот ден биле сослушувани лица на кои им биле проверувани алибијата во врска со убиството на полицијата, а оти во вечерта во сараевската полиција припадниците на Министерството за внатрешни работи на Република Српска довеле уште три лица врзани со „лисици“ на рацете.
