Полицијата во Битола не дозволува граѓаните да ги посетат гробиштата, но во црквите се опеваа мртвите со мерките за ред

129

Во оние општини каде што нема целосен полициски час, на сила е забраната за одење на гробишта по повод празникот Духовден.

Токму од тука ширум земјава полицијата седи пред гробиштата, и ги спречува верниците да одат. Таков е случајот и со Битола од каде е оваа фотографија.

Министерот Венко Филипче пред неколку дена истакна дека се забранува посета на гробиштата, како потенцијална опасност да се собираат многу луѓе, и со тоа да се рашири коронавирусот.

Од друга страна, во битолските цркви денеска се вршеше опевање на мртвите за Задушница, но се спроведуваа и мерки за ред и заштита на верниците од коронавирус, јавува Сдк.мк и истакнува дека во дел од храмовите беа поставени редари, кои ги упатуваа присутните на кое место да застанат и да ги постават пченицата, виното и лебот, притоа запазувајќи да има дистанца од еден до друг по метар и пол до два.

 Во црквите имаше повеќе свештеници, па за обредот не се чекаше долго. Воедно и верниците беа со маски, ретки беа оние што ги туркаа за да целиваат икони. Повеќето оставаа пари пред иконите и се прекрстуваа. Ред имаше и при палењето свеќите, зашто и самите верници внимаваа да се на одредена дистанца.

Доколку преземете содржина од оваа страница, во целост сте се согласиле со нејзините Услови за користење.