Помпео тврди дека Асад во мај користел хемиско оружје

33

Американскиот државен секретар Мајк Помпео денеска изјави  дека САД дошле до заклучок дека сирискиот претседател Башар ал Асад користел хлор како хемиско оружје, за време на битката со бунтовниците во Идлиб во мај.

– Режимот на Асад е одговорен за безброј ѕверства, од кои некои се на ниво на воени злосторства и злосторства против човештвото, рече Помпео на прес-конференција во Њујорк, каде присуствува на заседавањето на Генералното собрание на Обединетите нации.

Тој рече дека американскиот претседател Доналд Трамп бил многу енергичен во одбраната на светот од хемиско оружје, но одби да каже каков би можел да биде одговорот на Вашингтон.

Администрацијата на Трамп двапати ја бомбардираше Сирија под сомнение дека Асад користел употреба на хемиско оружје, и тоа во април 2017 и април 2018 година.

Доколку преземете содржина од оваа страница, во целост сте се согласиле со нејзините Услови за користење.