Поради коронавирус засилувањето на Јунајтед тренира сам и е изолиран

121

Најновото засилување на Манчестер Јунајтед, Нигериецот Одион Игало тренира сам и е изолиран од соиграчите и другите лица во клубот поради страв од коронавирусот, бидејќи во Англија стаса од Кина.

Весниците Times и Daily Mail објавија снимки на нигерскиот напаѓач кој тренира потполно сам на игралиштето во Тејквенд и така ќе биде сѐ додека не мине периодот на инкубација од две седмици, а можеби и подолго.

Триесетгодишниот Игало стаса во зимскиот преоден рок од кинески Шангај Шенху, но не се приклучи на екипата која е на кусите подготовки во Шпанија. Се очекуива дека со своите нови соиграчи првпат ќе се сретне во текот на викендот, пред средбата со Челзи во 26-то коло на англиската лига.

Британската влада оцени дека новиот коронавирус претставува „сериозна и непосредна“ закана за јавното здравство и му препорача дека „може да држо поединци во карантин поради сопствената безбедноста и доколку здравствените работници веруваат дека се во опасност од ширењето на вирусот на другите луѓе“.

Во Велика Британија досега се потврдени девет случаи на зараза со новиот коронавирус.

Доколку преземете содржина од оваа страница, во целост сте се согласиле со нејзините Услови за користење.