Поради невремето, Пиволенд 2022 со нов датум, ќе се одржи од 3 до 7 септември

Големото невреме што го зафати Скопје и околината, како и најавите за невреме и деновите кои следуваат, направија организаторите на Пиволенд 2022 од безбедносни причини да го преместат датумот за почеток на најголемиот пивски фестивал во земјата- Пиволенд 2022. Новиот датум за почеток на Пиволенд 2022 ќе биде на 3 септември (сабота), а ќе трае до 7 септември (среда), соопштија организаторите.

Промената во датумот доведе и до промена во програмата кај музичките изведувачи,  настапот на музичките артисти на двете сцени „Main Stage“ и „Craft Stage“.

Оваа година, Пиволенд ќе понуди програма со повеќе од 50 артисти во текот на петдневниот настан, над 100 видови на пиво и забава која наговестува голема посетеност, како и можноста да се купи маичка и кригла брендирана со дизајнот на фестивалот преку која ќе се донира за здружението „Во мојот свет“, информираа организаторите.

 

 

 

Доколку преземете содржина од оваа страница, во целост сте се согласиле со нејзините Услови за користење.