Поради вечерта нуркачите на „Тигрите“ повлечени од потрагата по лицето кое утрово се фрли во Вардар

Тимот нуркачи на Министерството з авнатрешни работи од специјалната антитерирустилчка единица „Тигар“, поради временските услови ја прекина потрагата по лицето кое утрово скокна во водите на реката Вардар, информираат од Центарот за управување со кризи.

„Потрагата ќе ја продолжат рано наутро заедно со тимови на Црвениот Крст и Дирекцијата за заштита и спасување.

Денеска е пребаран потегот од мостот Близнак до Железничкиот мост и уште три километри во правец кон село Долно Лисиче“, велат од ЦУК

Тим од специјалните сили на Министерството за внатрешни работи со нуркачи, чамци и специјална опрема е вклучен во потрагата по лицето кое утрово од мостот „Близнак“ се фрлило во реката Вардар. Потрагата се врши по течението на речното корито на реката Вардар кај мостот „Близнак“ на булеварот „Србија“ и низводно.

Како што соопшти Центарот за управување со кризи (ЦУК), од нивниот дежурен оперативен центар е остварена комуникација и координација со Генералниот секретар на Црвенот крст на Град Скопје. Договорено е доколку лицето не биде пронајдено во текот на денешниот ден, Црвениот Крст во текот на утрешниот ден, рано наутро да испрати свои тимови, најверојатно два тима, со опрема и возила за да вршат пребарување на теренот по течението на реката Вардар, лево и десно низводно долж речното корито.

Утрово во 6:00 часот на 112 во Центарот за управување со кризи е добиено известување дека непознато лице од мостот „Близнак“ на булевар „Србија“ се фрлило во речното корито на Вардар.

На местото излегле екипи од Бригадата за противпожарна заштита (БППЗ) на Град Скопје и екипи на МВР кои, како што се наведува, преку Центарот за управување со кризи побарале подршка и ангажирање на специјализираните тимови за претрага во води од Дирекцијата за заштита и спасување.

-При кординативната постапка од Центарот за управување со кризи, ова барање е проследено до ДЗС за преземање на мерки и активности во нивната надлежност, со цел да се пронајде лицето, информираат од ЦУ