Поранешниот претседател на Салвадор осуден на две години затвор поради поткуп

17

Поранешниот претседател на Салвадор, Антонио Сака е осуден на две години затвор поради давање поткуп, соопшти канцеларијата на јавниот обвинител во земјата.

Педесет и четири годишниот Сака е прогласен за виновен бидејќи се обидувал да поткупи службеник во судот со 10.000 долари, со цел да добие информација за дело кое се води против него.

Сака, кој беше шеф на државата од 2004 до 2009 година, признал дека ги извршил престапките за кои е обвинет.

Поранешниот претседател на Салвадор веќе издржува 10-годишна пресуда за перење пари и злоупотреба на речиси 300 милиони долари од јавни фондови.

Доколку преземете содржина од оваа страница, во целост сте се согласиле со нејзините Услови за користење.