Потегот кон Рамос го чинеше Ловрен казна во хрватската репрезентација

Хрватскиот дефанзивец Дејан Ловрен е казнет и ќе го пропушти наредниот натпревар на националниот тим поради навреди на социјалните мрежи кон шпанската репрезентација, кога Хрватите славеа со 3: 2, во рамки на дуел од Лигата на нации.

Ловрен објави видео на Инстаграм, на кое се пофали како го удира со лакт дефанзивецот на Реал, Серхио Рамос и воедно даде навредливи коментари за шпанскиот тим.

Уште по самиот натпревар, Ловрен изјави пред новинарите дека Шпанија е „груб тим, кој не умее да губи”.

Поради казната, одбранбениот играч на Ливерпул ќе го пропушти следниот натпревар на Хрватска против Азербејџан, во март, од квалификациите за Евро 2020.

Доколку преземете содржина од оваа страница, во целост сте се согласиле со нејзините Услови за користење.