Сириското Министерство за надворешни работи ја потврди смртта на 41 лице како последица на колера. Од почетокот на септември кога е регистриран првиот случај досега во земјата се регистрирани 757 заболени.
Најмногу случаи на болеста има во Алепо (477), осум во главниот град Дамаск.
Имран Риза, претставник за хуманитарни прашања на ОН во Сирија, истакна дека причина за избувнувањето на епидемијата е користењето вода од непроверени извори.
Според него, епидемијата во Сирија претставува сериозна закана за населението на целиот Блиски Исток.
Податоците на Светската здравствена организација покажуваат дека во светот во просек годишно се регистрираат од 1,3 до четири милиони случаи колера и оти од болеста умираат неколку десетици илјади луѓе.
