Сакаш да стекнеш повеќе пријатели кои се слични, но и различни на тебе? Се чувствуваш како факултетот да не ти пружи доволно знаење од аспект на меки вештини и практична работа? Сакаш да излезеш од својата комфорна зона и да оствариш нешта кои не си мислел дека си способен да ги оствариш? Сакаш да се журкаш на БЕСТовски начин?
Ако одговорот на кое било од овие прашања е да, тогаш БЕСТ Скопје е студентската организација за тебе!
Студентските денови се еден од највозбудливите периоди во животот на секој од нас. Тоа е времето кога се соочуваме со некои од најголемите предизвици и искуства во нашиот живот. Проаѓајќи ја оваа навистина прекрасна епоха од нашите животи, секој од нас бара некоја заедница со која заедно ќе плови низ студентските денови, и можеби токму БЕСТ Скопје е заедницата во која ти припаѓаш.
Бордот на Европски Студенти по Технологија – Скопје (БЕСТ – Скопје) е невладина, непрофитна студентска организација чија главна цел е развојот на студенти. Поддршката при личниот и академскиот развој, заедно со многу нови искуства и пријателства се карактеристики на нашата студентска организација. Со 90 локални БЕСТ групи низ цела Европа, имаш безброј можности за патувања и авантури, како и шанса да стекнеш пријателства со различни студенти од разновидни култури од сите краеви на Европа.
Членството во БЕСТ ти ги нуди следниве прекрасни нешта:
- Комплементарно образование кое ти дава нови вештини кои те спремаат за работа за време и по факултетот
- Организирање на настани и дејства кои им помагаат на сите студенти во Скопје (EBEC инженерскиот натпревар, Job Fair, летни курсеви, мотивациски викенди, и уште многу друго!)
- Дружење и журкање со голем број на студенти од различни области
- Создавање долгогодишни пријателства со студенти од цела Европа преку учество на многуте меѓународни настани кои БЕСТ ги организира
- Учество на тренинзи за меки и тврди вештини
Доколку сакаш и ти да се придружиш на стотиците студенти кои го имаат променето својот живот на подобро, дојди на инфо состанокот на 25.10 (Вторник) во просторија 117 на ТМФ (Техничко-металуршки факултет) во 20:00ч. и откриј повеќе за БЕСТ Скопје!