Историскиот архив на Европската Унија (ХАЕУ) при Европскиот универзитетски институт (ЕУИ) во Фиренца објави Повик за аплицирање за програмата за грантови за истражување финансирана од Меѓународниот вишеградски фонд (ИВФ).
-Програмата за грантови за истражување на ИВФ поддржува постдипломски студенти во рана фаза од земјите на Вишеград, Западен Балкан и земјите од источно партнерство да спроведат истражување на ХАЕУ во Фиренца, со фокус на европската интеграција. Шест истражувачки грантови од 5.000 евра ќе бидат достапни за 2023 година, објави Министерството за образование и наука.
На веб-страницата на МОН се достапни повеќе информации за програмата, условите и процедурата за аплицирање на Повикот за програмата за грантови за истражување финансирана од ИВФ.
Рокот за аплицирање е 30 април 2023 година.
