Градеќник бил тешко повреден откако паднал од покрив на хала, вчера во Прилеп, информираше МВР.
Несреќата се случила околу 9 часот во хала на фирма лоцирана на улицата Александар Македонски. Работникот А.Д.(38) од струшкото село Бороец вршел реконструкција на кровната конструкција, но во еден момент изгубил рамнотежа и паднал.
По укажаната лекарска помош во прилепската болница, А.Д. е префрлен во Комплекс клиники “Мајка Тереза”. Полицијата извршила увид во присуство на инспектор за заштита при работа од Министерство за труд и социјална политика.
Доколку преземете содржина од оваа страница, во целост сте се согласиле со нејзините Услови за користење.