Пожар зафати стовариште на приватна компанија во кумановско Доброшане

Пожар зафати стовариште на приватна компанија во кумановското село Доброшане, информираа денеска од противпожарната единица и СВР Куманово. Пожарникарите од територијалната противпожарна единица го гасеа пожарот скоро 13 часа. Пожарот веднаш бил локалиизран, но екипите работеа на негово целосно гаснење до 03:00 часот по полноќ.

Пожарот бил пријавен вчера околу 14. часот, во гасењето биле вклучени повеќе возила и неколку екипи. Според противпожарната единица во гасењето на пожарот биле вклучени пет возила и девет пожарникари. Еден пожарникар вдишал чад, бил однесен во болница и по укажување на лекарска помош бил пуштен.

СВР Куманово информираше дека пожарот бил пријавен вчера во 14.15 часот во Доброшане. Полицијата денеска го заврши увидот.

Доколку преземете содржина од оваа страница, во целост сте се согласиле со нејзините Услови за користење.