Двојно убиство се случило синоќа во скопската населба Топанско Поле.
Полицијата добила пријава во 02:35 за пукање на бул.„Македонско – Косовска бригада“.
-По излегување на местото на настанот од страна на полициски службеници, било пронајдено патничко моторно возило „цитроен“ со скопски регистарски ознаки и две лица кои не давале знаци на живот. Од страна на лекар од Итна медицинска помош била констатирана смрт кај двете лица, велат од МВР.
Утврдено е дека убиените се двајца скопјани, А.Б. (28) и Б.В. (24). Полициските екипи на местото на двојното убиство пронашле чаури од пиштол и автоматска пушка.
Од МВР велат дека се преземаат мерки и активности за расчистување на случајот.