Познат новинар приведен, ја претепал сопругата

Семејното насилство, неофицијално било пријавено од соседите, при што набргу по дојавата, во домот на брачниот пар пристигнале полициски службеници, кои всушност и самите биле сведоци на немилиот настан што се одвивал во присуство на нивното малолетно дете.

4126

Познат македонски новинар и сопственик на портал, поради семејно насилство бил приведен во полиција, дознава „Нетпрес“.

Тој физички ја нападнал својата сопруга, вчера, во семејниот дом во Скопје. А, пак, ден претходно, новинарот пријавил во полиција дека тој бил нападнат од сопругата.

Семејното насилство, неофицијално, било пријавено од соседите, при што набргу по дојавата, во домот на брачниот пар пристигнале полициски службеници, кои всушност и самите биле сведоци на немилиот настан што се одвивал во присуство на нивното малолетно дете.

Од полицијата за „Нетпрес“ го потврдија случајот.

„На 16.01.2019 година во СВР-Скопје околу 23.07 часот С.И.(38) пријавил дека физички бил нападнат од сопругата М.Л.И.(25), која употребила и нож, во стан во Скопје. На 17.01.2019 околу 02 часот М.Л.И. пријавила дека била физички нападната од С.И., кој употребил и нож во стан во Скопје. Се работи на расчистување на случајот, по што ќе бидат поднесени соодветни поднесоци“, информираа од полиција.

 

Доколку преземете содржина од оваа страница, во целост сте се согласиле со нејзините Услови за користење.