Прегазен велосипедист, возачот во бегство

211

Автомобил „мерцедес“ што го управувало непознато лице прегазило велосипедист,  ноќва во скопската населба Чаир.

Според полицијата, сообраќајната несреќа се случила половина час по полноќ на улицата Цветан Димов.

Тогаш авомобил „мерцедес“ со скопски регистарски ознаки, управуван од непознато машко лице, удрило во велосипед, управуван од А.А. (31) од Скопје, по што го напуштило местото.

Од ударот велосипедистот добил тешки телесни повреди и со друго возило бил пренесен во Градската општа болница „Св. Наум Охридски“ каде му била укажана лекарска помош.

Се преземаат мерки за пронаоѓање на возачот и за целосно расчистување на случајот.

Доколку преземете содржина од оваа страница, во целост сте се согласиле со нејзините Услови за користење.